Prej tre muajsh Autoriteti Kombëtar i Ushqimit ka nisur monitorimin e tregut ushqimor, restoranteve, fast-foodeve dhe tregjeve në disa zona të vendit.
Nga inspektimet e kryera, sipas njoftimit zyrtar, janë marrë 384 masa administrative me gjobë dhe paralajmërime për subjektet, të cilat kanë mangësi të kushteve higjieno-sanitare, mungesë dokumentacioni shoqërues, të librezave shëndetësore të personelit si dhe analizës së ujit.
Sipas AKU-së inspektimet janë kryer në qarqet Durrës dhe Vlore, për të garantuar sigurinë ushqimore, pasi në këto zona bregdetare konsumi është më i madh. Sipas Autoritetit Kombëtar të Ushqimit kontrollet do të vijojnë deri në përfundimin e sezonit turistik. Gjithashtu AKU u bën thirrje konsumatorëve që të denoncojnë çdo shqetësim që kanë në lidhje me sigurinë ushqimore.
