Gentian Osmani, Besnin Cani dhe Antoneta Sevdari jane tre prokurorët nga prokuroritë e rretheve që do të jenë anëtarë të Këshillit të Lartë të prokurorisë.
Ky rezultat doli pas votimit te 295 prokurorëve që zhvilluan mbledhjen pas thirrjes së bërë nga prokurorja e përgjithshme e përkohshme Arta Marku. Listën e kryesonte Gentian Osmani me 182 vota, Antoneta Sevdari me 163 vota dhe më pas Besnik Cani me 148 vota.
Ndërsa 102 vota rezultuan të pavlefshme. Nga prokuroritë e apeleve zgjidhen automatikisht dy kandidatët Bujar Sheshi dhe Arben Dollapi, pasi janë të vetmit që garonin, pasi kaluan vettingun.
Ndërsa nga prokuroria e përgjithshme kandidojnë Anila Leka dhe Kostaq Beluri, njëri prej të cilëve do të jetë fitues.
Votimi është monitoruar nga ndërkombetaret dhe vete Arta Marku, e cila ka qëndruar gjatë gjithë kohës duke monitoruar procesin. Ngritja e KLP-së i hap rrugë zgjidhjes se prokurorit të përgjithshëm me mandat 7 vjeçar dhe prokurorëve për SPAK-un.
