Princi William dhe Kate Middleton mund të kenë një familje të madhe të lumtur tani, por dikur u është dashur të kalojnë një fazë të vështirë, aq sa edhe mund të mos ishin më bashkë. Në librin e ri të Katie Nicholl “Kate: Mbretëresha e Ardhshme”, ajo zbuloi se William dhe Kate kishin bërë një pakt martese vite më parë, ndërsa ishin ende duke u njohur me njëra-tjetrin. Pakti, të cilin ata e bënë në vitin 2007, kishte për qëllim të zbuste presionin nga marrëdhëniet e tyre dhe t’u jepte sigurinë atyre që ata do të përfundonin së bashku.
Fill pas këtij pakti çifti pësoi një krizë, por që do të kalonte shumë shpejtë e kohët që do të vinin do të ishin të arta.
William dhe Kate folën për herë të parë për ndarjen e tyre gjatë një interviste, dhënë pas fejesës, por atë që nuk thanë ishte se gjatë pushimeve në një ishull, Ëilliam i kishte premtuar Kate se ajo do të ishte bashkëshortja dhe nëna e fëmijëve te tij.
“Gjatë atyre pushimeve, buzë oqeanit, ata biseduan seriozisht për martesën dhe bënë një pakt për t’u martuar.”
“Të dy ishim shumë të rinj,” tha William. “Ishim në universitet dhe ende po përpiqeshim të gjenim rrugët tona e të njihnim veten. Po rriteshim me njëri tjetrin”
Pas katër vitesh, në prill të 2011 ata lidhën kurorë dhe këtë vit festuan përvjetorin e tetë në krahë të tre fëmijëve të tyre. Mbase pakti ishte një ide e mirë në fund të fundit./Living
