Në qoftë se disa vite më parë, përgatitjet për ardhjen në jetë të një fëmije kufizoheshin vetëm tek blerja e veshjeve kryesore, ose tek shkëmbimet e rrobave të veshura më parë, sot gjërat kanë ndryshuar. Dhoma e bebes është një ‘’must’’ dhe prindërit e rinj i kushtojnë shumë rëndësi. Për shembull, dukesha e Sussex-it Meghan Markle ka shpenzuar plot 200 mijë euro për fëmijën e saj të parë.
Dëshirës për të patur çdo gjë gati, nuk i ka shpëtuar as Almeda Abazi. Aktorja e njohur shqiptare ka zbuluar dje për herë të parë, imazhet nga dhoma e Efehanit, i cili pritet të vijë së shpejti në jetë. Në një video të postuar në “Instastory”, vihet re se në dhomë mbizotëron ngjyra e bardhë dhe blu.
Krevati është madhështor brenda të cilit qëndron një elefant, i cili duket të jetë objekt fatsjellës për djalin e saj të parë me Tolga-n. Ndërkohë emri i djalit është shkruar edhe te dera. Çifti është kujdesur që gjithçka e blerë të jetë organike, për të mos prekur shëndetin e vogëlushit./Living
