Islanda, çfarë surprize!

Nga takimi i fundit i raundit te 1/8-ve vjen dhe surpriza e finaleve te kampionatit evropian. Ne Nise, beteja mes dy ishujve i takoi Islandës, e cila mundi Anglinë 2-1, duke prere një bilete per ne çerekfinale. Te mëdhenjtë ata qe shpiken futbollin, ata qe krijuan skuadrën e pare 159 vjet me pare, u detyruan te lëshojnë përballe ishullit te vogël, e njohur me shume per akullin dhe vullkanet, por qe po përjeton nje ëndërr te madhe ne France. Nje fillim i jashtëzakonshëm per “tre luanët”, te cilet ne minutën e 3 arritën te merrnin nje penallti, pas një pengimi ne zone te Sterling nga portieri Haldorson. Nga pika e bardhe, Uejn Runi kaloi ne avantazh Anglinë, qe u duk se do te kishte nje mbrëmje mjaft te lehte. Por llogarite ishin bere pa kundërshtarin, te cilët gjeten barazimin dy minuta me vone. Arnason kombinoi me Sigurdson, i cili nga afër mposhti portierin Hart. Ne 15 minutat e para, anglezet me më shume iniciative përballe nje kundërshtari i pozicionuar mire ne mbrojtje, por pa hequr dore nga kundërsulmi. Por ne minutën e 18 ne Alianz Riviera ndodhi e pabesueshmja: Bodvarsson dhuroi nje top te Sightorson qe shënoi golin e dyte fale edhe nje gafe te portierit Hart. Ne pjesën tjeter pritej krenaria angleze, por ishin përsëri nordiket, te cilët kishin mundësinë e golit te trete. Me kalimin e minutave, anglezet u shfaqen te nervozuar, duke shpalosur me shume ne fushe nje loje individuale. Edhe pse Hoxhson përdori edhe kartën Vardy, por pa arritur te çanin murin kundërshtar. Përfundimisht 2-1 për islandezet, feste e madhe per këtë popull te vogël, qe po përjeton ëndrrën me te madhe ne histori. Për “tre luanët” lot dhe poshtërim me teknikun Hoxhson qe behet koka e pare e turkut, duke dhënë dorëheqjen e menjëhershme.