Ish nenkryetari i Partise Demokratike, Astrit Patozi ka ironizuar kreun aktual te Partise Demokratike ne nje koment te tij ne Facebook.
Patozi shkruan se për kthimin e Bashes ne Kuvend duhet te falenderojmë Zotat, duke postuar dhe nje foto te Bashes me ish kryetarin Berisha. Sipas tij “Zoti vonon, por nuk harron”.
Ja komenti i plote i Patozit ne Facebook.
TË FALENDEROJMË ZOTAT QË NA KTHYEN LUL BASHËN
Sot mësova me habi se mungesa e Lulzim Bashës në parlamentin e 4 viteve të shkuara paska qenë gabim. Zakonisht në raste të tilla kërkohet falje, por ky nuk është ndonjë zakon që pëlqehet shumë në Shqipëri.
Por nëse ishte vërtet kështu, kujt duhet t’ia dimë për nder që na e bëri këtë gjëmë, njeriut apo Zotit?
Atij vetë, që vajti e u “internua” si kryetar i Bashkisë së Tiranës, atyre që e propozuan, atyre që e mbështetën dhe e votuan si të tillë, apo kundërshtarëve që nuk ndryshuan rregullat, kur erdhën në pushtet?
Sepse, me sa po thuhet, parlamenti shqiptar nuk mund t’u kuptoka kurrë pa Lulzim Bashën. Dhe Shqipëria e paska vuajtur shumë mosqenien e tij.
Por ja që, si gjithmonë, Zoti vonon, por nuk harron. Tani Lulzim Basha është rikthyer, gabimi është ndrequr më në fund dhe Shqipëria thjesht duhet të falenderojë krijuesin dhe duhet të presë frutet e shpejta të kësaj mrekullie.
