Ish presidenti amerikan Donald Trump i është kthyer sërish momentit të atentatit që për pak sa nuk i mori jetën në tubimin e fushatës në Pensilvani të shtunën.
Përpara mbërritjes në Konventën kombëtare të Republikanëve, Trump tha për mediat se ishte mirënjohës por edhe sfidues për faktin që është gjallë.
Lexo edhe :
“Unë supozohet të kem vdekur. Doktori në spital më tha se nuk kishte parë kurrë diçka të tillë, ai e quajti një mrekulli. Nëse nuk do ta kisha kthyer kokën pak djathtas për të lexuar një tabelë për emigrantët e paligjshëm, atëherë e shtëna do të ishte fatale”, tha Trump.
Donald Trump falenderoi sërish agjentët e shërbimit secret që i shpëtuan jetën dhe që eleminuan atentatorin vetëm me një të shtënë.
Më herët, presidenti joe Biden doli në një deklaratë për mediat, si rrallëherë nga zyra ovale ku foli për ngjajren dhe i bëri thirrje popullit për të qenë të bashkuar.
“Ky sulm ishte një thirrje për të reflektuar, për të gjithë ne. Fatmirësisht, Trump nuk u lëndua rëndë. Nuk ka vend në Amerikë për këtë lloj dhune, për asnjë lloj dhune. Në demokracinë amerikane, argumentet paraqiten në mirëbesim. Në demokracinë amerikane, respektohet sundimi i ligjit”, tha Trump.
Kreu i shtëpisë së bardhë gjithashtu urdhëroi një hetim të plotë dhe të pavarur për të zbuluar se si një njeri i armatosur mundi të afrohej e të qëllonte disa herë ndaj një kandidati për president pa u vënë re.
Në deklaratën e fundit, FBI nuk dha shumë detaje rreth hetimit, Zyrtarët thanë se nuk dihet ende motivi që çoi 20-vjeçarin të vristë Donald Trump, ndëra dyshohet që ai të ketë vepruar i vetëm./vizionplus.tv
