Policia e Shkodrës identifikoi autorin e atentatit ndaj shefit të policisë bashkiake në Malësinë e Madhe.
Mësohet se ndaj Mentor Hasanajt ka qëlluar 19-vjeçari Ilirjan Hasanaj. Shefi i policisë po udhëtonte me familjen e tij me makinë nga Shkodra drejt Malësisë së Madhe. Për pasojë, u plagos edhe babai i tij 74-vjeçar.
Plagët më të rënda i mori Mentor Hasanaj. Gjatë kontrollit rreth vendit të ngjarjes, efektivët gjetën motomjetin pa targa, një skafandër dhe sende të tjera që janë përdorur nga 19-vjeçari për atentatin.
