Pas disa ditësh fushatë intensive këtë të shtunë Kosova është në heshtje zgjedhore.
Të dielën qytetarët do të votojnë për deputetët e rinj të Kuvendit te Kosovës.
Qendrat e votimit në të gjithë vendin do të jenë të hapura nga ora 07:00 deri në orën 19:00 për rreth 1.900.000 qytetarë me të drejtë vote.
Këtë të shtunë, Komisioni Qendror Zgjedhor njoftoi shpërndarjen e të gjithë materialit zgjedhor, proces I cili do të përfundojë mëngjesin e së dielës para hapjes së qendrave të votimit.
Kryetarja e Komisionit Valdete Daka, ka siguruar se janë marrë të gjitha masat për garantimin e një procesi të rregullt zgjedhor.
Një ditë më parë subjektet politike u thanë fjalën e fundit zgjedhësve të regjistruar.
Zgjedhjet e së dielës në Kosovë po ndiqen me vëmendje të madhe edhe nga ndërkombëtarët për shkak se qeveria e re do të ketë një sfidë të vështirë për procesin e dialogut me Serbinë. Ndërkohë ambasadori amerikan në Kosovë, Philip Kosnett u bëri thirrje qytetarëve të dalin në votime dhe të mos e humbasin të drejtën për te shprehur vullnetin me vote.
