Një sherr mes dy bashkëfshatareve për pak sa nuk ka përfunduar në një tragjedi të vërtete në fshatin Shesh të Ndroqit. Vetëm ndërhyrja e efektivëve të policisë së komisariatit numër 6 ka bërë që, sherri mes fqinjëve të shmangë degradimin deri në viktima.
Dy persona u arrestuan në flagrancë dy shtetas, ndërsa u bllokua arma e gjahut me fishekë, të cilën njëri nga shtetasit e posedonte me leje.
Në pranga përfunduan D. N., 45 vjeç, si dhe K. D., 27 vjeç, të dy banues në fshatin Shesh, Ndroq.
Në fshatin Shesh, Ndroq, shtetasi D. N. për motive pronësie ka goditur me mjet të fortë (kazmë) shtetasin E. D, i cili ndodhet në spital jashtë rrezikut për jetën.
Konflikti midis shtetasve ka agravuar më tej nga djali i shtetasit të dëmtuar, i cili ka marrë një armë gjahu të mbushur me fishekë, të cilën e posedonte me leje dhe ka tentuar të qëllojë shtetasin D. N., në banesën e tij, por nuk mundi dot falë veprimeve të shpejta të Policisë.
Materialet procedurale iu referuan Prokurorisë së Rrethit Gjyqësor Tiranë, për veprat penale “Plagosja e rëndë me dashje”, në ngarkim të D. N dhe “Vrasje e mbetur në tentativë”, në ngarkim të shtetasit K. D.
