Qeveria gjermane ka paralajmëruar qytetarët e saj të kenë kujdes sepse mund të përballen me rrezikun e arrestimit “arbitrar” në Turqi. Ministri i Jashtëm gjerman Sigmar Gabriel njoftoi se do të ketë ndryshime të politikave ndaj Ankarasë, ku ndër to do të jetë edhe rishikimi i garancive për investime të Turqisë, në Gjermani. Këto thirrje për qytetarët,vijnë pas arrestimit të një aktivisti gjerman për të drejtat e njeriut në Turqi , vetëm një ditë më pare. Për këtë çështje, gjermanët protestuan përpara ambasadës së Turqisë në Berlin. Por Ankaraja e konsideron ankesën e Gjermanisë “të papranueshme” dhe “ndërhyrje të drejtpërdrejtë në gjyqësorin turk”.
