Një nga dëshmitarët e 21 janarit është gazetari Fatos Mahmutaj, i cili u plagos gjatë raportimit për median ku punonte. Në një lidhje me skype në edicionin qendror të lajmeve në “Vizion Plus”, ai ka treguar se si e kujton këtë ngjarje.

 

Pavarësisht rinisjes së hetimeve nga Prokuroria e Tiranës majin e vitit të kaluar, Mahmutaj nuk beson se drejtesia do t’i shkojë deri në fund kësaj çështjeje.

 

“Një ngjarje që ndryshoi shumë në mënyrën e të jetuarit të jetës sime. Unë do doja që të kishte drejtësi, por duket e pamundur. Jam pesimist për 21 janarin, nuk pres asgjë nga drejtësia…Hapin hetimet kot pa lidhje. Nga ana proceduarale quhet gjë e gjykuar. Provat ishin korrekte, mjaftonin që të dënoheshin ekzekutorët e 21 janarit dhe urdhëruesit e 21 janarit, flas për Sali Berishën. Të gjitha mjaftonin. Bëjnë një ping-pong idiot sa për t’iu hedhur hi syve të njerëzve.”

 

I pyetur për rolin e Bashës si ministër i Brendshëm në 21 janar, Mahmutaj gjykon se: “Berisha ka dhënë urdhrin për të qëlluar mbi njerëzit. Le të mendojmë që Basha nuk do ta pranonte atë urdhër. Kur Basha ishte prezent se çfarë i ndodhi shefit të gardës, Ndrea Prendi. Ky i fundit nuk pranoi fillimisht që të jepte urdhër që mos të qëllonte drejt njerëzve, e rrahën në Kryeministri, e ditën tjetër e shitën si të rrahur nga protestuesit. Aq dru sa hëngri Ndrea Prendi, mendon që Lulzim Basha do të kishte guxim të kundërshtonte Berishën? Është e pamundur.”

One thought on “Gazetari që u plagos në 21 janar: S’pres asgjë nga drejtësia! Hetimet, për t’na hedhur hi syve

  1. I vetmi njer qe ishte i plagusur ne protesten e 21 janarit,qe flete te verteten,kushe guxonte te kundershtonte plakun barbare,vrasesin e pa meshirshem te vicidolit.Ky gazetar meriton respekt te vecante per kyt te vertete,qe se helle dote poshte asnji njeri ne kyte vende.Por fale asaje qe ne vendin tone nuke funksionon asnji istitucion shtetrore,drejtesia jo e jo,nuke ka funksionuar kurre ne vendine.Ne vendin tone funksionojne bandat,qe drejtohen nga kriminelte me emrin politikan,plaku barbare,lir floriri,edvin karapushti e lyli basha,ktu kurrsesi zduhet larguar nga kta nano kumarxhiu.Kta ishin ata qe shkatrruan,e vazhdojne shkatrrimin e vendit,duke vjedhur,plackite,dhunar e vrare.

Leave a Reply

Your email address will not be published.