Procesi i përzgjedhjes për kreun e ri të Byrosë Kombëtare të Hetimit (BKH) ka hyrë në një fazë të re, pasi 6 nga 13 kandidatë janë skualifikuar në raundin e parë për shkak të mosplotësimit të kritereve formale të aplikimit.
Në garë kanë mbetur 7 kandidatë, mes të cilëve disa emra të njohur në fushën e sigurisë dhe drejtësisë. Ndër më të spikaturit janë ish-drejtorët e Përgjithshëm të Policisë së Shtetit, Haki Çako dhe Gledis Nano, zv/drejtori aktual i BKH-së, Joni Keta, si dhe prokurori Andi Pogace.
Procesi vijon me fazat e tjera të konkurrimit, ndërsa përzgjedhja e kreut të ri të BKH-së konsiderohet kyçe për funksionimin e strukturave të posaçme kundër krimit të organizuar dhe korrupsionit.
/vizionplus.tv
