Arben Imami, ish-ministër i PD-së ka bërë me faj ish-kreun e PD-së Sali Berishën si një mbështetës të Bashës me heshtjen e tij.
I ftuar në Spotlight nga Alban Dudushi, në Vizion Plus, Imami deklaroi se Berisha është I gatshëm të vazhdojë me Bashën në fitoren e radhës.
“Berisha nuk ka thënë gjë për zgjedhjet. Berisha ka qenë në mbështetje të Lulzim Bashës edhe në këto zgjedhje. Me heshtjen e tij. Nuk kam ndërmend të bëj analizën e raporteve të Berishës dhe këtij, por nëqoftë se ka patur edhe ndonjë kritikë, e ka patur e ka thënë, jo për datën e zgjedhjeve, por nuk e ngriti zërin. E pranoi datën e zgjedhjeve. Ne e pranuam. Absolutisht, Berisha është i gatshëm që të vazhdojë me Lulin në fitoren e radhës.”
Në rrjedhën e kësaj bisede, i pyetur se për çfarë mund t’i duhet Basha Berishës, Imami shprehet se nëse do të pyesim atë, Luli nuk i duhet as dreqit.
Alban Dudushi: Për çfarë i duhet Luli Berishës?
Arben Imami: Kjo, s’është pyetje për mua. Për çfarë duhet Luli, unë nuk e di. Po të më pyesësh mua, Luli nuk i duhet as dreqit. Nuk i duhet kujt. Për çfarë i duhet, nuk e di.
