Një ditë pasi njoftoi vendosjen e tarifave ndaj mallrave të Bashkimit Europian, Franca është zotuar për hakmarrje.

 

Ministri i Financave në Paris, Bruno Le Maire, paralajmëroi Bashkimi Europian se do të kundërpërgjigjet në të njëjtën mënyrë nëse nuk arrihet një marrëveshje me SHBA-në.

 


BRUNO LE MAIRE


MINISTER I FINANCAVE

 

“Ne së bashku me partnerët tanë Europianë, do të jemi të gatshëm të kundërpërgjigjemi.  Një zgjidhje miqësore për mosmarrëveshjen Boeing / Airbus është zgjidhja më e mirë, dhe aq më tepër duke pasur parasysh që Evropa mund të vendosë sanksione ndaj Shteteve të Bashkuara vitin e ardhshëm. Kjo nuk është një çështje dypalëshye mes Francës dhe SHBA-ve, por një problem mes BE-së dhye SHBA-ve.”

 

 

Edhe Gjermania është treguar e ashpër në reagimin e saj ndaj tarifave. Ministri i Jashtëm Heiko Maas tha se nëse SHBA refuzon ofertën e BE-së për një zgjidhje miqësore, Unioni do të marrë masa ekstreme.

 


HEIKO MAAS


MINISTER I JASHTEM

 

“Bashkimi Evropian do të duhet të reagojë dhe, pasi të marrë miratimin e Organizatës Botërore të Tregtisë, me siguri të vendos tarifa ndëshkuese. Ne mendojmë se ky hap është i gabuar sepse janë punëtorët dhe konsumatorët në të dyja anët e Atlantikut ata që do të humbuin në këtë mes”

 

 

Komisioni Europian në një reagim zyrtar sqaroi  se aplikimi i tarifave do të dëmtojë në mase konsumatorët amerikanë. Komisioni gjithashtu theksoi se synon të negociojë për gjetjen e një zgjidhjeje të kësaj mosmarrëveshjeje tregëtare.

 

Tarifat amerikane ndaj mallrave të vendeve të Bashkimit Europian të cilat do të hyjnë në fuqi më 18 tetor, kanw shkaktuar një shqetësim të madh sidomos tek prodhuesit e verës si dhe nw industrinw e aviacionit dhe tw automobilave.

Leave a Reply

Your email address will not be published. Required fields are marked *