Tirana mundi Flamurtarin në finalen e dytë të kampionatit kombëtar në basketboll për femra 60 me 53, duke iu afruar edhe më tepër titullit kampion.
Vajzat bardheblu pas suksesit të parë në Vlorë, edhe në kryeqytet ia dolën me sukses duke e dërguar serinë e finaleve tashmë në 2 me 0.
Tirana krijoi një diferencë jo të vogël me kundërshtarët që në pushimin mes pjesëve, +9 pikë, për shkak të fitimit të dy periodave.
Në të parën dueli ishte i ekuilibruar dhe diferenca ishte vetëm një pikë në favor të kryeqytetasve +1 pikë, 15 me 14, ndërsa në të dytën avantazhi ishte edhe më i madh 22 me 14.
Bënë diferencën tek Tirana paraqitjet e Morina Bojkës dhe Enisa Qoses. Perioda e tretë ishte shumë e thatë, prodhoi vetëm 14 pikë në total për një fitore 8 me 6 të vajzave bardheblu, por me shumë saktësi në gjuajtje tek të dyja ekipet.
Pavarësisht reagimit të vlonjateve në periodën e katërt dhe rezultatit 19 me 15, kjo gjë nuk mjaftoi që Flamurtari të përmbyste shifrat.
Tani, bregdetareve do t’iu duhet të fitojnë me patjetër ndeshjen e tretë për tu rikthyer në lojë titullin kampion.
