Rreth 4 mijë është numri i masave administrative të marra nga ana e punonjësve të policisë se qarkullimit rrugor në qarkun Fier, për drejtuesit e automjeteve, gjatë kohëve te fundit. Kjo shifër është bërë e ditur nga drejtori i policisë rrugore Artan Osmani. Sipas tij, masat ndëshkimore kanë ardhur kryesisht për parakalime të gabuara dhe mosvendosjen e rripit të sigurimit.
Osmani siguron se janë marre të gjitha masat për mbarëvajtjen e qarkullimit në akset më të ngarkuara të Fierit. Gjatë sezonit veror, këto akse kanë një ngarkesë të madhe, pasi lidhin pjesën bregdetare jugore të Shqipërisë me pjesën tjetër të vendit.
Aksi rrugor më problematik në Fier është ai i unazës lindore të qytetit dhe që vijon në drejtim të Levanit. Mospërfundimi i punimeve të by pass-it Mbrostar-Levan edhe gjatë këtij sezoni veror ka sjell probleme të mëdha për drejtuesit e automjeteve.
