Pjesëmarrja dhe fitimi i një gare publike duket se është kthyer në një mison të pamundur.
Mungesa e transparencës, kriteret që përcaktohen si dhe fakti që vetëm disa kompani fitojnë garat publike, ka detyruar Dhomën Amerikane të Tregtisë të bëjë disa propozime konkrete dhe t’ia paraqesë partive politike.
Dhoma Amerikane propozon ndryshime ligjore për të ndëshkuar zyrtarët që abuzojnë me fondet.
“Shpeshherë kompanitë e gjenjë të pamundur të bëjnë biznes, kryesisht me prokurimet me fondet publike. Janë vetëm disa kompani që fitojnë garat. Ndaj një legjislacion i përmirsuar me efekte prapravepruese me efekte implementuese se si duhet të zbatohet një tender, që të ketë si qëllim ngushtimin e hapësirës ku zyrtarët mund të abuzojnë. Një transprancë më e lartë se si përzgjidhet një tender, kushtet dhe mënyra e lidhjes së kontratës, transparencë e shtuar si zbatohet ajo, raportime të detajuara për bizenset që i përfitojnë këto tendera dhe përfshirjen e indikatorëve të kësaj kontrate. Ky nuk është shkopi magjik, por ngushton hapësirat për korrupsion që kryejnë zyratrët të cilët duhet të mbajnë përgjegjësi”, u shpreh Enio Jaço për “E-Zone”.
