Gjykata Kundër Korrupsionit dhe Krimit të Organizuar ka vendosur sekuestrimin e 21 pasurive në qytetin e Durrësit, të dyshuara si të përfituara nga aktivitete kriminale. Vendimi u mor pas kërkesës së Prokurorisë së Posaçme (SPAK) dhe u ekzekutua të premten, më 27 qershor.
Pasuritë e sekuestruara përfshijnë sipërfaqe toke, një ndërtesë, disa apartamente dhe një bodrum, që janë në pronësi të disa personave të hetuar, si dhe të një shoqërie ndërtimi. Vlera totale e këtyre aseteve llogaritet në rreth 12 milionë euro dhe tashmë janë vendosur nën administrimin e Agjencisë për Administrimin e Pasurive të Sekuestruara dhe të Konfiskuara. 10 prej pasurive te sekuestruara janë prona të Elvis Doçit dhe familjarëve te tij, i njohur ndryshe si “Visi i Pojës”, i cili i shpëtoi arrestimit dhe ndodhet në arrati. Pasuritë e tjera janë në emër të Juxhin Draxhit dhe Ervin Zeqirit.
Hetimet janë pjesë e operacionit të përbashkët mes SPAK dhe Drejtorisë së Antimafias Italiane (DIA), të koduar “Ura”, në kuadër të të cilit janë lëshuar gjithsej 52 urdhër-arreste. Sipas SPAK, bëhet fjalë për një nga grupet më të fuqishme të trafikut ndërkombëtar të drogës, me bazë në Durrës, që ka operuar që prej vitit 2020.
Operacioni “Ura” u zhvillua në disa shtete të Bashkimit Evropian, përfshirë Shqipërinë dhe Italinë, me mbi 40 aksione sekuestroje: 30 në Itali dhe 10 në Shqipëri. Deri më tani janë sekuestruar 3 milionë euro në para të gatshme, tre restorante në Durrës, një bar-kafe, gjashtë shoqëri tregtare dhe një televizion në qytetin e Vlorës.
SPAK bën të ditur se vlera e drogës së trafikuar nga kjo organizatë kriminale arrin në rreth 7 milionë euro, ndërsa zbërthimi i komunikimeve në aplikacionin “Sky ECC” ka qenë çelësi për zbulimin e aktivitetit të grupit, ku janë implikuar edhe zyrtarë të policisë dhe biznesmenë.
Pasuritë e sekuestruara ndodhen në qytetin e Durrësit dhe përfshijnë:
- Pasuria e paluajtshme e llojit truall me sipërfaqe 282.5 m2 dhe ndërtesë me sipërfaqe 248 m2, e cila rezulton në pronësi të shtetasve E.Z. në ½ pjesë dhe K.J. në ½ pjesë (pasuri e lidhur me subjektin e procedimit pasuror E.Z.), me vendodhje në Durrës.
- Pasuria e llojit ndërtesë, me sipërfaqe 257.63 m2, në pronësi të shoqërisë “Majestic Konstruksion” sh.p.k (me ortak shtetasin N.SH., person i lidhur me subjektin e procedimit pasuror J.D.), Durrës;
- Pasuria e llojit njësi, me sipërfaqe 291 m2 në pronësi të shoqërisë “Majestic Konstruksion” sh.p.k., Durrës;
- Pasuria e llojit njësi, me sipërfaqe 205 m2 në pronësi të shoqërisë “Majestic Konstruksion” sh.p.k., Durrës;
- Pasuria e llojit njësi, me sipërfaqe 257.63 m2 në pronësi të shoqërisë “Majestic Konstruksion” sh.p.k., Durrës
- Pasuria e llojit njësi, me sipërfaqe 257.63 m2 në pronësi të shoqërisë “Majestic Konstruksion” sh.p.k. Durrës;
- Pasuria e llojit njësi, me sipërfaqe 257.63 m2 në pronësi të shoqërisë “Majestic Konstruksion” sh.p.k. Durrës;
- Pasuria e llojit njësi, me sipërfaqe 257.63 m2 në pronësi të shoqërisë “Majestic Konstruksion” sh.p.k. Durrës.
- Pasuria e llojit njësi, me sipërfaqe 257.63 m2 në pronësi të shoqërisë “Majestic Konstruksion” sh.p.k. Durrës;
- Pasuria e llojit njësi, me sipërfaqe 257.63 m2 në pronësi të shoqërisë “Majestic Konstruksion” sh.p.k., Durrës;
- Pasuria e llojit truall, me sipërfaqe 300 m2, me adresë Rruga Plazh/10 Durrës e regjistruar ne emer te N. Sh.;
- Pasuria me sipërfaqe 197 m2, lloji i pasurisë Njësi, ndodhur në Durrës, në pronësi të subjektit të procedimit pasuror E.D. dhe personit të lidhur me të H.D. (bashkëshortja);
- Pasuria me sipërfaqe 135 m2, lloji i pasurisë Njësi, ndodhur në Durrës, në pronësi të subjektit të procedimit pasuror E.D. dhe personit të lidhur me të H.D. (bashkëshortja);
- Pasuria e llojit “bodrum”, me sipërfaqe totale 20 m2, Durrës, në pronësi të subjektit të procedimit pasuror E.D. dhe personit të lidhur me të H.D. (bashkëshortja);
- Pasuria me sipërfaqe 70 m2, Durrës, në pronësi të subjektit të procedimit pasuror E.D. dhe personit të lidhur me të H.D. (bashkëshortja);
- Pasuria me sipërfaqe 34 m2, Durrës, në pronësi të subjektit të procedimit pasuror E.D. dhe personit të lidhur me të H.D. (bashkëshortja);
- Pasuria me sipërfaqe 29 m2, Durrës, në pronësi të subjektit të procedimit pasuror E.D. dhe personit të lidhur me të H.D. (bashkëshortja);
- Pasuria me sipërfaqe 867.13 m2, nga të cilat 867.13 m2 truall dhe 300 m2 ndërtesë, ndodhur në Durrës, Currila;
- Pasuria e llojit truall, ndodhur në Durrës, Currila, me sipërfaqe 500 m2, në pronësi të shtetasve B.D. dhe D.D., persona të lidhur (familjarë) me subjektin e procedimit pasuror E.D.;
- Pasuria ndodhur në Durrës, Currila, e llojit truall me sipërfaqe 617.6 m2 nga të cilat ndërtesë 54.52 m2, në pronësi ta shtetasve B.D. dhe D.D., persona të lidhur (familjarë) me subjektin e procedimit pasuror E.D.;
- Pasuria ndodhur në Durrës, Currila, e llojit truall me sipërfaqe 87 m2, dhe ndërtesë 52 m2, në pronësi të shtetasve B.D. dhe D.D., persona të lidhur (familjarë) me subjektin e procedimit pasuror E.D.;
Hetimet u kryen në kuadër të një skuadre të përbashkët hetimore mes SPAK, Prokurorisë së Barit, Drejtorisë së Antimafias, me mbështetjen e Eurojust.
Procedimi penal nr.36/2019 është regjistruar për veprat penale:“Trafikim i narkotikëve”, kryer në formën e veçantë të bashkëpunimit, atë të grupit të strukturuar kriminal, “Grup i strukturuar kriminal”, “Kryerje e veprave penale nga organizata kriminale apo grupi i strukturuar kriminal” dhe “Pastrim i produkteve të veprës penale apo veprimtarisë kriminale”, vepra të parashikuara nga nenet 283/a, 28/4, 333/a, 334 dhe 287 të Kodit Penal, janë evidentuar pasuri të cilët dyshohet se janë krijuar nga veprimtaria kriminale e trafikimit të lëndëve narkotike.
Procedimi pasuror nr. 10/2025 u regjistrua me qëllim verifikimin e pasurive të subjekteve të procedimit penal dhe personave të lidhur me ta, në total 52 persona (30 në Shqipëri dhe 22 në Itali), të cilëve më parë u është caktuar masa e sigurimit personal në të dy vendet.
Pasuritë e sekuestruara vlerësohen përafërsisht në 12 milionë euro.
Hetimi pasuror lidhur me të gjithë subjektet vazhdon.
/vizionplus.tv
