Ish-deputetja e LSI, Silva Caka ka ironizuar qeverinë në lidhje me çështjen e drejtorit të burgut, Egon Velaj I cili u dënua të mërkurën nga gjykata.
Në një postim në Facebook, Caka shprehet se ministrja Gjonaj e shkarkoi Velajn për korrupsion por sipas saj, e riktheu sërish në detyrë duke I besuar drejtinim e burgut.
Caka deklaron më tej me ironi se tani që u dënua Velaj I është rritur vlera në bursën e Rilindjes dhe mund të bëhet deputet.
“Paç fatin e Egon Velaj! Egon Velaj, drejtonte zyrën e Aluiznit në Vlorë deri një vit më parë, kur Etilda Gjonaj e shkarkoi publikisht, si një zyrtar të korruptuar. Mirëpo sistemi i meritave kriminale në Rilindje, rezervoi një tjetër detyrë shumë të rëndësishme shtetërore për Egonin, i cili edhe pse i shkarkuar nga Etilda Gjonaj për korrupsion, u caktua po nga Etilda Gjonaj, të drejtonte Paraburgimin e Vlorës, deri në momentin që u vendos nën akuzë nga Prokuroria, për shpërdorim detyre. Edhe pse Egon Velaj ishte vendosur nën akuzë zyrtare nga Prokuroria, Etilda Gjonaj përsëri nuk pyeti hiç (ashtu siç nuk pyeti kur ekstradoi Nezarin, në shkelje të plotë të ligjit për ekstradimin) dhe e ngriti Egonin përsëri në detyrë, duke e emëruar atë Drejtor në Burgun e Vlorës. Sot, Egoni është shpallur fajtor për akuzën e ngritur nga Prokuroria dhe është dënuar nga Gjykata e Vlorës me 6 muaj burg, të cilat i janë konvertuar në shërbim prove. Tani që u dënua, Egonit i rritet vlera në bursën e Rilindjes dhe bëhet automatikisht një kandidat potencial për deputet/kryetar bashkie/ministër. Rroftë sistemi i vlerave kriminale në Rilindje!
