Delta po përhapet masivisht në Shqipëri. Brenda 24 orëve të fundit, janë kryer 6.662 testime, që kanë konfirmuar pozitivë 522 qytetarë.
Rastet e reja janë përhapur thuajse në të gjithë Shqipërinë, me numrin më të madh në Tiranë, Shkodër e Durrës.
Nga sëmundja e humbën jetën edhe dy pacientë, një 67-vjeçar nga Elbasani dhe një 84-vjeçar nga Mati.
Në spitalin Infektiv po marrin trajtim 59 pacientë, ndërsa janë shëruar 98 qytetarë. Aktualisht në të gjithë vendin janë 4.204 pacientë aktivë.