Velipoja vijon të jetë një prej destinacioneve më të preferuara turistike në veri të vendit, duke tërhequr çdo ditë pushues vendas dhe të huaj. Edhe në kulmin e sezonit veror, plazhi i gjerë dhe hapësirat e shumta për pushim vijojnë të mirëpresin turistë të moshave të ndryshme.
Deti i pastër, qetësia dhe natyra e zonës janë ndër arsyet kryesore që i bëjnë pushuesit të zgjedhin Velipojën për të kaluar ditët e verës.
Për shumë prej tyre, kjo nuk është vizita e parë, ndërsa të tjerë thonë se do të rikthehen.
“Faleminderit shumë për mikpritjen”.
“Mbi të gjitha shohin situatën që Velipoja në të gjitha drejtimet është mirë. Nuk ka më mirë, unë për vetë mund të them që është një nga vendet më të mira të mundshme. Kam dy – tre vjet që unë vij. Sivjet ishte perfekt”
“Çdo vit edhe më shumë përmirësim. Pastërti, shumë mirë. Më mirë se Firence”
Me një kombinim mes natyrës, detit, hapësirave të plazhit dhe mikpritjes, Velipoja vijon të konsolidohet si një destinacion i rëndësishëm turistik.
Fluksi i pushuesve dhe vlerësimet pozitive të tyre tregojnë potencialin në rritje të zonës, e cila synon të jetë gjithnjë e më konkurruese në hartën e turizmit shqiptar.
