Sokol Cikalleshi vazhdon të jetë protagonist në kampionatin turk. Sulmuesi kuqezi shënoi golin e gjashtë sezonal me fanellën e Koniaspor në superligën e futbollit të këtij vendi.
Skuadra e futbollistit kavajas fitoi 2 me 1 në transfertën e Samsuspor në javën e 16 të kampionatit. Goli që hapi ndeshjen u shënua pikërisht nga 33-vjeçari shqiptar në minutën e 29.
Miqtë fituan një penallti dhe ai që ekzekutoi me shumë guxim e mjeshtëri ishte sulmuesi kuqezi. Cikalleshi ekzekutoi përmes një “panenka”.
Në 14 javë kampionat, sulmuesi i kombëtares tonë veç gjashtë golave ka dhënë edhe dy asist. Ruajtja e formës së mirë sportive nga Cikalleshi është një ogur i mirë edhe për përfaqësuesen tonë në prag të finaleve të kampionatit europian. /vizionplus.tv
