Një variant i ri Covid është zbuluar në Mbretërinë e Bashkuar , ai është Xe dhe duket të jetë më ngjitës se Omicron 2. Siç raportohet nga The Independent, Agjencia e Sigurisë Shëndetësore e Mbretërisë së Bashkuar ka njoftuar se është duke monitoruar një mutacion rekombinant të shtameve BA.1 dhe BA.2, të gjetura në 600 persona.
Varianti Xe eshtë një përzierje e një mutacioni rekombinant të Omicron 1 dhe 2 , i cili u zbulua për herë të parë në MB më 19 janar . Mbi 600 sekuenca janë raportuar zyrtarisht deri më tani.
Organizata Botërore e Shëndetësisë (OBSH) ka bërë të ditur se nga të dhënat e para të mbledhura për variantin Xe të Covid duket se ky i fundit ka 10% më shumë ngjitës se Omicron 2. Studiuesit dhe shkencëtarët po përpiqen ta studiojnë këtë variant në mënyrën më të mirë. për të kuptuar se çfarë ndikimi do të ketë në popullsinë botërore.
Pikërisht në këtë drejtim, OBSH-ja ka saktësuar se, derisa të raportohen dallime të rëndësishme në transmetueshmërinë e mutantit dhe në karakteristikat e sëmundjes si dhe në ashpërsinë e kësaj të fundit, Xe do të konsiderohet një variant që i përket familjes Omicron. Agjencia shëndetësore e Kombeve të Bashkuara do të vazhdojë të monitorojë këtë dhe mutacione të tjera të pandemisë së koronavirusit duke u përpjekur t’i mbajë ato nën kontroll për shëndetin e të gjithë popullatës.
