Ish-kryeminsitri Sali Berisha ka replikuar këtë të premte në Kuvend me deputetin deputetët sociaslit Ulsi Manja dhe Blerina Gjylameti.
Gjatë fjalës së mbajtur në Kuvend, Berisha duke u ndalur tek vetting në politikë u shpreh se tek PS ka dy lloje deputetësh, ata që janë bos të krimit dhe ata që janë skllevërve të krimit.
Berisha në kuadër të kësaj deklarate akuzoi deputetin Ulsi Manja dhe Blerina Gjylametin se të dy janë pjesë e krimit.
“Ulsi, fjalimin ta ka përgatitur Ymer Lala. Pse ta ka përgatitur fjalën Ymeri? Sepse ta kapi për zverrku dhe të nxori nga gara në Dibër. Edhe ato interpretimi që janë për ty janë interpretimet e skllavit. Sepse jo të gjithë jeni shtylla e krimit, ka edhe skllavë të krimit. Ulsi, gjithçka the ti ishte mashtrim me Venecian, sepse është e shkruar e zezë mbi të bardhë, vetingu është legjitim. Ndaj secili prej jush….Gjylameti edhe ti je ndrikull, mos do të na lexosh fjalimin e Klodiana Shullazit”
Por pas këtyre akuzave, I menjëhershëm ishte reagimi I deputetes së PS, Blerina Gjylameti, e cila e akuzoi ish-kryeminsitrin Berisha si fatkeqësinë më të madhe të vendit.
“Je fatkeqësia e këtij vendi dhe do të doja që sot të reflektojë dhe të tregojë që vërtet kam bërë gjëra në këtë vend, por sot reflektoj dhe them kam bërë gabim. Sot e kuptoj frikën tuaj, sepse sot po jetësohet një reformë në drejtësi që do të bëjë që as ty as Lulzim dhe as ndonjë koleg tjetër që është i lidhur me krimin, dhe jo vetëm, por edhe me sekuestrimin e pasurisë që ke vendosur ndër vite.”
