Kreu i PD-së, Lulzim Basha ka uruar shqiptarët me rastin e Ditës së Verës.
Në një postim në “Facebook”, lideri demokrat ka inkurajuar të gjithë qytetarët, teksa gjatë kësaj periudhe po përballen me situatën e shkaktuar nga përhapja e COVID-19. Ai shkruan se duke qenë të bashkuar, të gjithë do ia dalin të fitojnë betejën kundër koronavirusit.
“Të gjithë bashkë si një familje e madhe do t’ja dalim! Gëzuar Ditën e Verës!☀️”, shkruan Basha.
Ministria e Shëndetësisë konfirmoi këtë të shtunë se numri i rasteve që kanë rezultuar pozitivë me koronavirus ka shkuar në 38, dy prej të cilëve ndodhen në gjendje të rëndë.
