Lideri demokrat Lulzim Basha akuzon kryeministrin Rama se me heshtjen e tij po vijon të mbrojë dhe të promovojë kriminel e hajdut me qëllim vjedhjen e zgjedhjeve.
Në një postim në “Facebook”, Basha duke e cilësuar qeverinë si një organizatë kriminale shprehet se në të vepron kodi I heshtjes “OMERTA”.
Sipas Bashës për sa kohë në krye të qeverisë do të jetë kryeministri Edi Rama në vend nuk do të ketë as drejtësi dhe as demokraci. Lideri demokrat thekson se e vetmja rrugë për të shëptuar vendin sipas tij, është ajo e largimit të qeverisë dhe kriminelëve nga pushteti.
“OMERTA – KODI MAFIOZ I HESHTJES! Si në çdo organizatë kriminale, edhe në grupin e strukturuar kriminal të Rilindjes së Edi Ramës vepron kodi i heshtjes që në zhargonin mafioz njihet si “omerta”. Omerta për bankimatin personal Dako, omerta për Pjetrin, omerta për Jorgo Kajmakun, omerta për milionat e vjedhura shqiptarëve dhe miliona të tjera të shpenzuara për luks pushtetarësh kur shqiptarët zhyten në papunësi dhe varfëri. Me heshtjen e tij Edi Rama mbron dhe promovon kriminelë dhe hajdutë dhe i përdor ata për të vjedhur zgjedhjet, sepse bashkë me ta pasurohet duke vjedhur shqiptarët dhe pastruar paratë e krimit. Për sa kohë Edi Rama është në zyrën e kryeministrit, nuk do të ketë as drejtësi dhe as demokraci, as punësim as mirëqënie sepse pushtetarët e korruptuar, kriminelët dhe oligarkët do të vjedhin dhe dhunojnë shqiptarët. Hajduti Psiqik përbën rrezik për jetën, mirëqenien dhe sigurinë e çdo familje. Ai dhe krimi i organizuar janë të pandashëm. Që të shpëtojmë Shqipërinë nga kriminelët me pushtet, duhet të largojmë Edi Ramën. #ShqipëriaSiEuropa #HajdutiPsiqik #RamaIk”
