Kryetari demokrat Lulzim Basha, duke cituar raportin e KLSH-se,  sipas të cilit dëmi ekonomik në dogana, tatime e tendera është afro 600 milionë euro, shkruan se ky është tregues i një qeverisje, qëllimi i së cilës është grabitja e parave dhe pasurive të vendit. Në një postim në facebook, Basha shkruan se në shfaqjen e tij tragji-komike Edi Rama është duke bredhur në Shqipëri, për t’ju kërkuar njerëzve të denoncojnë ata që abuzojnë me detyrën. “Nëse e ka seriozisht le të marrë raportin e KLSH-së dhe të pushojë dhe ndjekë penalisht drejtuesit e doganave, tatimeve dhe prokurimeve, dhe ministrat e funksionarët e tjerë publikë që kanë shkaktuar këto dëme”, shkruan Basha. Sipas Bashes kjo nuk ka për të ndodhur, sepse në fakt Edi Rama është vetë shembulli dhe kampioni i abuzimit me detyrën dhe pasuritë publike.

Leave a Reply

Your email address will not be published. Required fields are marked *