Teksa ndodhet në Elbasan për të festuar Ditën e Verës, kryedemokrati Lulzim Basha denoncoi se kryeministri Edi Rama shoqërohet nga bandat. Edhe ky i fundit është po ashtu në Elbasan dhe Basha e paralajmëroi që të mos kërcënojë qytetarët.
“Për një kohë shumë të gjatë ky qytet është mbajtur në vendnumëro, nga ushtruesit e dhunës sot, nga bandat e Elbasanit që me pistoletë në brez shoqëronin kryeministrin në ikje. Unë e di që qytetarët e Elbasanit nuk e duan dhunën dhe mezi e presin ditën e shpresës dhe ndryshimit. Shpresa dhe ndryshimi po vjen, dhuna nuk do ta ndalë dot. I them kryeministrit, mos guxo të kërcënosh qytetarët e Elbasanit me banditë me armë në brez.”
Festimet e Ditës së Verës u shoqëruan me përplasje fizike mes militantëve të PS-PD që kishin dalë për të pritur kryeministrin Edi Rama dhe liderin e opozitës, Lulzim Basha.
