Sekretari i Përgjithshëm i PD, Gazment Bardhi deklaroi se televizioni Italian ka publikuar këtë të premte një tjetër reportazh për kultivimin e kanabisit në Shqipëri. Sipas Bardhit, ky reportazh është një sfidë për kryeministrin Edi Rama, që e cilësoi raportin e parë lajm të pavërtetë.
“Televizioni RAI 3 rikonfirmon përsëri sot shifrat e publikuara disa ditë me parë për rritjen me 1200% të sasisë së kanabisit të mbjedhë gjatë këtij viti, duke i qëndruar burimeve të veta për vërtetësinë e lajmit. Edhe pse Edi Rama e konsideroi lajmin të pavërtetë, dhe dje mashtroi opinionin publik duke servirur një shkrim si gjoja reagim të autoriteteve italiane, TV RAI3 e sfidoi duke i kujtuar se të dhënat për këtë vit i ka mbajtur të fshehta!”
Para disa ditësh “RAI 3” publikoi një reportazh, sipas të cilit kultivimi i kanabisit në vendin tonë është rritur me 1200% krahasuar me një vit më parë. Për opozitën, ky reportazh u cilësua alarm kombëtar, ndërsa qeveria e quajti shpifje.
