Kroati Ivan Ratikiç duket se është gjithnjë e më shumë larg Barcelonës.
Klubi “blaugrana” prej kohësh nuk po rinovon kontratën e Ratikiç ndonëse ky I fundit shpesh ka dhënë sinjale se nuk do të largohet nga ekipi katalanas.
Ardhja e De Jong nga Ajaks, duket se ka bërë që drejtuesit e Barcelonës të vendosin që gjatë merkatos së verës të sakrifikojnë Ratikiç.
Edhe pse ka një klauzolë prej 125 milionë eurosh, katalanasit, sipas iberikes “Sport”, mund ta shesin kroatin edhe për shumën e 65 milionë eurove.
Për Ratikiç, deri më tani kanë shfaqur interes ekipe si Manchester United, Inter, Chelsea e Bayern Munchen.
