Banorët e pallatit numër 7 në lagjen 13 në Durrës dolën sërish në protestë këtë të premte. Në mungesë të një përgjigje nga ana e prokurorisë, ata vendosën të bllokonin vetë punimet që po kryen firma ndërtuese në afërsi të pallatit të tyre, i cili është dëmtuar nga tërmeti i 26 nëntorit 2019. Ndonëse bashkia dhe zyra e urbanistikës i kanë dhënë leje firmës për ndërtimin e objektit, banorët thonë se ai nuk mund të ndërtohet, pasi pallati i tyre rrezikon shembjen.
Banorët:
“Të na ndihmoj kush te mundet. Nuk nda ndihmoi as kryeprokurorja as kush. Të vijnë ekspertë ta masin këtë po presim. Të vijnë ta masin sa metra janë 500 m toke 310 metra ndërtim ngjit me pallatin tone. Ose do hymë ne greve urie. Ka tre muaj s’na japin as bonus more.
Të vijnë të masin edhe njëherë lejen qe kane dhënë. Po i çojnë themelet ngjitur me tonin.
Kjo është katastrofë. Dy vjet ne termet dhe tani ndodhin te tilla gjera prape.”
Banorët paralajmëruan përshkallëzim protestash. Pallati ku ata jetojnë është klasifikuar me shkallë dëmtimi DS3. Por pavarësisht kësaj godina ende nuk është riparuar.
