Gjykata e Apelit e Krimeve të Rënda rikonfirmoi dënimin me burg për jetë për Denis Shtrazën. I riu nga Durrësi u shpall fajtor për rrëmbimin me pasojë vdekjen e Gazmend Çollakut në janar të vitit 2016.
Çollaku u rrëmbye në qytetin e Durrësit dhe u gjet një ditë më vonë i pajete në një fshat të Krujës. Policia menjëherë pas ngjarjes ndaloi Denis Shtrazën dhe ish-efektivin e policisë, Ervin Dalipajn por për mungesë provash ata u liruan.
Disa ditë më vonë shtraza u arrestua me urdhër të prokurorisë pasi sipas akuzës ai dyshohej si ekzekutor. Motivi i krimit lidhej me plagosjen e tij në vitit 2013. Ish-efektivi i policisë Dalipaj u shpall në kërkim por hetimet ndaj tij pushuan pasi ai u ekzekutua në një atentat në Sukth.
