Pas ngjarjes së rëndë në regjistruar në orët e para të mëngjesit në Vlorë, ku një hotel në Lungomare u shkrumbua nga flakët, Shoqata e Operatorëve Turistikë të Jugut ka ofruar ndihmë për qytetarët që ishin të akomoduar aty.Disa njësi hoteliere në Vlorë, në bashkëpunim edhe me bashkinë, kanë ofruar pa pagesë ambiente për akomodimin e pushuesve të prekur nga ngjarja.
“Kemi dhënë ndihmën tonë aq sa mundemi dhe shpresoj që të shërohen dhe të dalin sa më shpejt nga spitalet ku janë. Kush të dojë, mund të akomodohet pa pagesë. Edhe ata që kanë pasur për të bërë check in sot”, tha Vasil Bedinaj, nga Shoqata e Operatorëve Turistikë të jugut.
Kreu i Operatorëve Turistikë, Vasil Bedinaj, bën me dije të prekurit po ndihmohen edhe për sendet personale.
“Po merremi që t’iu plotësojmë edhe ato që kanë humbur, veshmbathje apo gjëra të tjera që ata kanë nevojë”, shtoi ai.
Solidariteti i operatorëve turistikë synon që pushuesit e prekur nga ngjarja të vijojnë qëndrimin e tyre në Vlorë dhe programin e pushimeve, pavarësisht situatës së krijuar.
