Në studion e Spotlight në Vizion Plus, përballë moderatorit Alban Dudushi dhe analistit Mentor Nazarko, kreu I BDI-së, Ali Ahmeti ka folur edhe për çështjen e dialogut Kosovë-Serbi. Ai ëshët shprehur se tashmë duhet t’I jepet një fund pasi nuk mund të ketë përparim ndryshe.
“E para, dialogu, asesi nuk duhet të ndërpritet sepse kjo çështje duhet të ketë një fund dhe kështu në vend-numëro, Kosova nuk mundtë ketë përparim. Kosova duhet të jetë tërësisht e mëvetësishmë dhe jo e kontestueshme nga një pjesë e BE-së dhe ng anjë pjesë e botës së tretë. Dialogu me Serbinë është I pashmangshëm, pavarësisht, tragjedive që I ka krijuar Serbia, ndaj shqiptarëve, por zgjidhje tjetër nuk ka.”
Ahmeti ka kritikuar shqiptarët, pasi sipas tij nuk kanë qenë të mobilizuar si komb dhe shton se Serbia ka qenë më e shkathët.
“Serbia nuk është kafshatë aq e lehtë sa e mendojnë. Serbia është me ndikim dhe sigurisht që Europa ka interesa shumë strategjike për rajonin. Është e vërtetë që ne nuk kemi qenë aq të mobilizuar si komb për të krijuar vërtetë përkrahje dhe seriozitet.”
