Ministri i Shtetit për Rindërtimin, Arben Ahmetaj përsëriti se pensionet nuk do të ulen. Ai tha në Kuvend se përkundrazi, pensionet do të vijojnë të rriten.
“S’kemi ndërmend të prekim pensionet por sapo i rritëm me 21 milionë dollarë dhe do vazhdojmë ti rrisim. Debati ka pensione suplementare dhe përfshinë se ish-deputetë marrin katërfishin e pensioneve të zakonshme. Pavarësisht debatit që ju keni janë 126 mijë familje, 6 mijë janë tepër është debat që vërtetohet kollaj”,
Duke marrë shkas nga reagimet e opozitës lidhur me propozimet e deputetit Ilir Beqaj për të ulur pagat në mënyrë për të përballuar situatën kundër COVID-19, kryeministri Edi Rama garantoi të mërkurën se kjo nuk ka për të ndodhur.
Kreu i qeverisë nënvizoi se pensionet dhe pagat nuk do të ulen për asnjë arsye.
“Nuk ka ulje pensionesh dhe ulje rrogash, se dikush ka një ide dhe mund t’i thotë në një vend ku të gjithë mund të shprehin idetë e tyre. Sa i përket vendimi zyrtar të qeverisë nuk ka pasur dhe nuk do të ketë prekje të pensioneve apo të pagave. Nëse do të preken, do të preken vetëm për t’u rritur dhe asnjëherë për t’u ulur, për asnjë arsye në botë”, deklaroi Rama.
