Një fermë bagëtish të imta në fshatin Val të Martaneshit, në njësinë administrative të Bulqizës, është prekur nga sëmundja e murtajës.
Burime lokale bëjnë me dije se deri tani kanë ngordhur mbi 150 krerë bagëti, ndërsa rrezikohet e gjithë tufa, e cila përbëhet nga afro 700 krerë.
Drejt fermës janë nisur specialistë të Drejtorisë Rajonale të Ekstensionit Bujqësor në Dibër, të shërbimit veterinar në nivel qarku, si dhe përfaqësues të shërbimit veterinar pranë Bashkisë Bulqizë.
Autoritetet janë në gjendje alarmi dhe po merren masa për të kufizuar përhapjen e sëmundjes dhe për të mbrojtur tufat e tjera në zonë.
/vizionplus.tv
