Ka nisur spektakli i rekordeve dhe i gjithë familjeve shqiptare Ferma Vip nën drejtimin e Luana Vjollcës dhe mbrëmja e sotme do të ketë të tjera debate, surpriza dhe përballje mes fermerëve. Madje do të ketë përballje & intervista me dy të larguarit Alba Pollozhani & Lim Hoti. Nisur me lirinë moderatorja e programit nisi programin dhe me një mesazh të rëndësishëm.
“Sonte, të gjitha pikëpyetjet tuaja do të marrin përgjigje! Por më lejoni t’ju paralajmëroj, përpara se të ndodhin ato keqkuptime apo dalje nga konteksti, se qëllimi ynë si produksion është përkrahja e lirisë. Por, për fat të keq, në shumicën e rasteve, jemi ne ata që krijojmë një kafaz me mendimet tona — një burg të padukshëm, të mbushur me dyshime dhe pasiguri. Secili prej nesh është autentik! Dhe ngjyrat tona mund të zbehen vetëm kur bëjmë paktin për t’u përshtatur me normat shoqërore.” — përfundoi Luana, teksa vazhdoi të zbulojë ç’pritet të ndodhë sot.
“Fermerët do të njoftohen se televotimi i hapur në primen e kaluar, që është bërë shkaktar i disa debateve, në fakt është anuluar për shkak të daljes së papritur të Limit!
Një intervistë ekskluzive e këtij të fundit… cilat ishin arsyet që e shtynë të largohej pas Albes?
Dhe kryefjala e momentit: largimi i Alba Pollozhanit!
Por nuk janë këto gjithçka që pritet të ndodhë sonte…
Fermerët do të realizojnë një sfidë buxheti, një televotim i ri do të hapet, dhe një rrëfim i ndjerë do të emocionojë të madh e të vogël.
E meqenëse kemi pasur hyrje-dalje nga ferma kohët e fundit, sonte do të hyjë Olsi Bylyku!
Qëndroni me ne, sepse, siç e shihni, nata e sotme do të jetë një maratonë e vërtetë!”
Këto dhe shumë të tjera mbeten për tu zbuluar në Vizion Plus dhe në dy kanale të dedikuara në Tring. Gjithashtu mund ta ndiqni spektaklin tuaj të preferuar Ferma VIP 2 LIVE në linkun e YouTube
