Apeli i Posaçëm ka lënë në qeli Zambak Gjonin dhe Arnold Rrokaj, dy të arrestuarit për sulmin kibernetik ndaj SPAK ndodhur përpara disa ditësh.
Ish-punonjësi i IMT, Rrokaj dhe ish-zyrtari i burgut të Vlorës, Gjonaj akuzohen për hakerimin e e-maileve të disa prokurorëve dhe shpërndarjen e informacionit te persona të tjerë.
Kujtojmë se sulmi kibernetik ndodhi më 12 mars, ku më pas SPAK reagoi përmes një deklarate ku tha se hackerat arritën që të marrin të dhëna nga adresat e emaileve të disa prokurorëve, por pa depërtuar në sistemin e brendshëm të sigurisë apo të rrjedhin dosje hetimore.
Sipas të dhënave, objekt i sulmit kibernetik ishte edhe kompjuteri i kreut Altin Dumani, por që hackerat nuk arritët që të depërtojnë dot.
SPAK sqaroi se arrestimi i tyre u bë brenda 24 orësh nga ndërhyrja për hakerimin e emaileve të prokurorëve, dhe se sekuestruan pajisjet e përdorura për të realizuar ndërhyrjen si edhe skedarët e shkarkuar./vizionplus.tv
