Dronët ukrainas kanë shkatërruar një rafineri nafte në qytetin Riazan të Rusisë. Videot e publikuara në rrjete sociale tregojnë momentin e shpërthimit dhe përfshirjen nga flaket të të gjithë zonës.
Njerëzit shfaqën të tmerruar nga frika , ndërsa vrapojnë për tu larguar nga vendngjarja. Sipas autoriteteve deri më tani nuk raportohet për viktima apo të lënduar.
Këtë të premte Ukraina ka kryer sulmin me të madh për këtë vit në dhjetëra rajone të Rusisë. Ministria e mbrojtjes ruse bënë me dije se janë shkatërruar mbi 120 dronë kryesisht në Moskë,Kursk, Rostov, Belgorod, Voronezh, Briansk etj.
Si pasojë e goditjeve fluturimet u kufizuan në disa aeroporte të vendit. Edhe Moska iu kundërpërgjigj Kievit me sulme ajrore duke lënë të vdekur 3 civilë. Dëme të konsiderueshme pati edhe në disa zona banimi kryesisht në qytetet Fastiv dhe Brovari, pranë kryeqytetit ukrainas.
