Humbi kontrollin e motomjetit dhe përfundoi në kanal, kush është efektivi i FNSH që ndërroi jetë në Shkodër

Nikoll Lekndreaj është efektivi 51-vjeçar i Forcave të Ndërhyrjes së Shpejtë në Shkodër, i cili ndërroi jetë tragjikisht orët e para të mëngjesit.

Policia ka reaguar lidhur me ngjarjen duke sqaruar se i ndjeri po kthehej nga fshati Bardhaj drejt Shkodrës, por fatkeqësisht ka humbur kontrollin e motomjetit me të cilin po udhëtonte.

Lexo edhe :

Stuhia i merr jetën policit, efektivi udhëtonte me motor, doli nga rruga si pasojë e motit të keq

“Njerëzit si Nikolla janë të rrallë”, flasin fqinjët e efektivit që humbi jetën në Shkodër

Si pasojë, ai ka përfunduar në kanal, duke humbur jetën.

“Rreth orës 02:50, në fshatin Bardhaj, shtetasi N. L., 51 vjeç, (punonjës policie i Forcës Kombëtare të Sigurisë, Njësia Shkodër, i cili ishte jashtë orarit të shërbimit), duke drejtuar motomjetin e tij, dyshohet se ka humbur kontrollin mbi drejtimin e motomjetit, si pasojë e motit të keq, dhe për pasojë motomjeti ka dalë nga rruga, duke rënë në një kanal me ujë.

Shtetasin N. L. e ka marrë rrjedha e ujit dhe për pasojë ka humbur jetën.”, njofton policia.

Uniformat blu po zbulojnë për zbardhjen e plotë të aksidentit./vizionplus.tv