Reshje të mëdha shiu kanë “pushtuar” Sudanin, ku si pasojë ka shpërthyer një digë. Nga shpërthimi i digës kanë humbur jetën 60 persona.
Bëhet me dije se po zhvillohen ende operacionet e kërkimit.
Diga e Arbatit ka një kapacitet prej 25 milionë metra kub dhe është burimi kryesor i ujit të pijshëm për qytetin bregdetar të Port Sudanit, ku është vendosur qeveria ushtarake.
Pasi u shkatërrua nga 16 muaj lufte civile, Sudani tani po përjeton shira të rrëmbyeshëm dhe përmbytje që kanë vrarë dhjetëra dhe kanë detyruar dhjetëra mijëra të largohen nga shtëpitë e tyre.
Reshjet e dendura të shiut kanë dëmtuar gjithashtu një kabllo të madhe me fibra optike në Sudan, duke shkaktuar një ndërprerje të komunikimit në shumë pjesë të vendit për të dytën ditë me radhë.
