Një 46-vjeçare nga Irani është arrestuar në Rinas, pasi tentoi të dilte nga Shqipëria me dokumente false.
Policia njofton se 46-vjeçarja tentoi të përdorte një pasaportë çeke, por u pikas nga uniformat blu.
Gjatë kontrollit, shtetases iraniane iu gjet edhe një leje për qëndrim në Çeki, e cila gjithashtu rezultoi e falsifikuar.
Të dyja dokumentet janë sekuestruar nga policia, ndërsa mbi 46-vjeçaren rëndon vepra penale “Falsifikimi i dokumenteve” dhe “Falsifikimi i leternjoftimeve, pasaportave ose i vizave”.
