Kuvendi do të mbajë këtë të mërkurë seancën e jashtëzakonshme për shkarkimin ose jo të Presidentit Ilir Meta nga detyra.
Meta mund të bëhet Presidenti i parë i shkarkuar ndonjëherë në historinë e shtetit shqiptar.
Nëse socialistët votojnë me shumicë votash pro shkarkimit, çështja i kalon Gjykatës Kushtetuese, e cila do të vendosë përfundimisht për shkarkimin ose jo të Ilir Metës si President.
Kjo është hera e dytë që një nismë e tillë shkon në Parlament, brenda dy vjetëve. Të parën, mazhoranca e ngriti pas dekretit të presidentit mbi anulimin e zgjedhjeve të 30 qershorit 2019. Ajo u kthye në një rezolutë të votuar me 100 vota pro në seancën e 13 qershorit të vitit 2019.
