Në seancën e sotme parlamentare, deputeti Selami Jenisheri i ka befasuar të gjithë me deklaratën se ka qenë ai që e anëtarësoi Shqipërinë në Organizatën e Kombeve të Bashkuara.
Më tej, kreu i Partisë së Pensionistëve të Shqipërisë, propozoi se duhet miratuar një ligj edhe për “detektivët privat”. Sipas tij, ata do të mundësonin arrestimin e personave të korruptuar.
“Presidenti dhe Parlamenti duhet të thoshte shyqyr që doli një deputet si Selami Jenisheri që e futi Shqipërinë në OKB. Ky deputet, jo vetëm ka bërë të mundur këtë gjë, por kam propozuar në këtë Parlament të vendoset ligji i detektivit privat. Po të jetë detektivi pjesë e legjislacionit tonë, atëherë le të vjedhin, le ta shkelin ligjin deputetët. Unë, një prej tyre e kam vendin në burg. Le të vjdhin dhe atëherë shikoni se çfarë drejtësie ka Shqipëria. Pa detektivin privat, harrojeni drejtësinë”, tha Jenisheri, duke shkaktuar të qeshura tek deputetët ne Kuvend
