Zyrtarët britanikë kanë filluar procesin e krijimit të një “pasaporte vaksinimi” në vend, duke miratuar propozimin grek pas Danimarkës dhe Suedisë.
Sipas mediave britanike, ky zhvillim vjen teksa Greqia përgatitet të përjashtojë nga rregullat e karantinës turistët që mund të provojnë se janë vaksinuar kundër koronavirusit.
Zyra e Jashtme, Ministria e Transportit dhe Ministria e Shëndetësisë në Britani po punojnë së bashku për të siguruar mundësinë për udhëtarët në vendet që mund të kërkojnë një certifikim të tillë si kusht hyrjeje.
“Greqia mund të mirëpresë turistët britanikë muajin e ardhshëm me kusht që të mund të provojnë se janë vaksinuar kundër koronavirusit“, thanë zyrtarët e turizmit.
