Kryetarja e LSI, Monika Kryemadhi ka zbuluar dy qarqet ku do të kandidojë.
E ftuar në emisionin “Quo Vadis”, ajo tregoi se ato do të jenë Elbasani dhe Fieri, ndërsa ka treguar pse ka bërë këto zgjedhje.
Elbasani u shpreh ajo pasi i kam një borxh dhe Fieri për t’i dhënë një mundësi socialistëve.
“Fier, Elbasan me kodin e ri e kam të garantuar që do kandidoj. Elbasanit i kam një borxh dhe Fierit dua t’i jap një mundësi. Pse? Sepse dua t’i jap një mundësi socialistëve të Fierit, të cilët e gjejnë veten shumë afër me Monikën që ka qenë themeluese e Forumit Rinor Eurosocialist Shqiptar. Kështu që janë shumë miq të mi të vjetër , që kanë punuar me mua në vitet ’92, kur unë kam qenë gjimnaziste e më pas studente. Më pas jetojnë e punojnë në Fier, kemi bërë fushata bashkë dhe e gjejnë vetëm më pranë me Monika Kryemadhin sesa me dikë tjetër që nuk e lidh asgjë me Fierin.”
