Kreu i Partisë Demokratike, Lulzim Basha akuzoi kryeministrin Edi Rama se e ka çuar vendin mbrapa.
Duke ju referuar Indeksit të Zhvillimit Njerëzor, Basha tha se Shqipëria është futur në amulli për shkak të shumicës socialiste
“Shqipëria ka bërë hapa mbrapa me Ramën. Indeksi i Zhvillimit Njerëzor (Human Development Index ) në rastin e Shqipërisë duhet quajtur indeksi i moszhvillimit dhe ngecjes. Grafiku shumëvjeçar i këtij raporti të përvitshëm të nxjerrë prej Programit për Zhvillim të Kombeve të Bashkuara (UNDP) demonstron qartë se gjatë viteve të qeverisjes së dështuar të Ramës, Shqipëria është në amulli apo “në vend-numëro”. Mjaft më. Ështē koha për ndryshim.”
