Një frikë që i shoqëron njerëzit në këto ditë pandemie është edhe si të mbrohemi gjatë seksit, që të shmangim infektimin me COVID. Seksologia Chiara Simonelli shpjegoi si duhet të veprohet në këtë rast.
Nëse dy persona takohen për herë të parë ata gjithmonë duhet të mbajnë maskë, por mbi të gjitha shmangin kontaktin fizik në përgjithësi dhe respektojnë distancimin shoqëror. Nuk do të thotë që ata nuk mund të pinë kafe ose të shkojnë për darkë së bashku: nëse respektohet distanca, ata mund të ulin maskën për të pirë ose për të ngrënë. Kjo do të thotë që nuk mund të shkëmbeni puthjen e parë. Të paktën derisa të jeni të sigurt për shëndetin e tjetrit.
“Për këtë arsye do të sugjeroja, nëse doni të shkoni më tej dhe të kryeni marrëdhënie fizike, të kryeni tamponin për sigurinë tuaj. Këshilla ime është që të përmbahemi dhe ta përdorim këtë situatë për ta njohur sa më mirë njëri-tjetrin, para se të shkojnë në shtrat.”
Në rastin kur ju jeni të lidhur, por nuk jetoni bashkë, ju mund të bëni seks, por duke marrë masat e duhura. Lani mirë duart dhe mbani edhe një maskë, sepse puthja është sjellja më e rrezikshme që transmeton virusin.
“Makën mendojeni si një lojë erotike, një objekt që mund të ushqejë fantazitë.”
Në rastin kur jetoni bashkë, përveç tamponit, sipas seksologes, është e rëndësishme të ndalohet çdo aktivitet që mund të dëmtojë partnerin. Ju duhet të jeni të kujdesshëm të ruani higjienën, të lani duart para dhe pas seksit. E njëjta gjë vlen edhe për momentet intime që kalojmë vetëm. Çdo objekt erotik, rekomandon Chiara Simonelli, duhet të lahet dhe dezinfektohet para dhe pas përdorimit.
