Mihal Thimjo u arrestua nga policia e Gjirokastrës si autori I dyshuar për vrasjen e Gezim Saracit në rrugën rurale Poliçan-Suhë mbrëmjen e të mërkurës.
Autori I dyshuar, 33 vjec nga Derviciani ka pranuar në polici autorësinë e krimit, por duke shpjeguar se e bëri për vetëmbrojtje.
Viktima dhe autori I dyshuar ishin të njohur me njeri-tjetrin, madje kishin qënë në një tavoline duke ngrënë dhe pirë përpara se të ndodhte ngjarja e rëndë.
Thimjo në versionin e tij të ngjarjes ka deklaruar në polici se kishin pasur një debat verbal dhe fizik përpara se gjithcka të degradonte.
“Gëzim Saraçi më preku në nder. Me tha: ju kaurët e qelbet keni bere me shume lek se ne, ti ke vile 3-kateshe , une nuk kam. Unë i thash se ne jemi të zotët të bëjmë lekë me djersë. Askujt nuk i kemi vjedhur sic keni bërë juve. Në këtë moment Gezimi më goditi. u bë si bishë, donte të më përpinte të gjithin. Unë u mbrojta, e kishte tepruar me pijen në restorant, por as Gëzimi dhe as unë nuk ishim të dehur. Unë reagova për vetëmbrojtje.
Njoftimi i policisë:
Zbardhet në kohë rekord ngjarja e ndodhur në datën 05.08.2020, në aksin rrugor Poliçan-Suhë, ku u gjet i pajetë 57-vjeçari G. S. Pas 6 orë kërkimesh dhe kontrollesh në të gjithë zonën u bë i mundur lokalizimi, kapja dhe prangosja e autorit të dyshuar të vrasjes.Policia gjeti dhe sekuestroi në një banesë tjetër edhe rrobat që autori kishte veshur gjatë kryerjes së krimit. Menjëherë pas marrjes së njoftimit se në aksin Poliçan-Suhë ishte gjetur i pajetë shtetasi G. S., strukturat e Drejtorisë Vendore të Policisë Gjirokastër organizuan punën për zbardhjen e ngjarjes.Falë punës së mirorganizuar hetimore të kryer nga Sektori për Hetimin e Krimeve të Rënda në DVP Gjirokastër, në bashkëpunim me Prokurorinë e Rrethit Gjyqësor Gjirokastër, u bë e mundur zbardhja e ngjarjes dhe identifikimi i autorit. Rreth 50 forca policore, pas 6 orë kërkimesh, krehje të zonës, kontrolleve në disa ambiente dhe banesa të dyshuara dhe falë përdorimit të metodave proaktive, bënë të mundur lokalizimin e vendndodhjes së autorit, kapjen dhe shoqërimin e tij në ambientet e Drejtorisë Vendore të Policisë.Në përfundim të veprimeve të para hetimore të kryera, u bë arrestimi në flagrancë i shtetasit M. Th., 33 vjeç, banues në Dervician, për veprën penale “Vrasja me dashje”, pasi gjatë një konflikti për motive të dobëta, ka goditur me sende të forta shtetasin G. S., 57 vjeç, banues në Humelicë, Gjirokastër, duke i shkaktuar vdekjen. Materialet i kaluan Prokurorisë pranë Rrethit Gjyqësor Gjirokastër, për veprime të mëtejshme.
